काठमाडौँ। अर्जेन्टिनाले कीर्तिमानी १६औँ पटक कोपा अमेरिका फुटबल कपको उपाधि जितेको छ। कोपा अमेरिकाको फाइनल कोलम्बिया र अर्जेन्टिनाबीच मियामीको हार्ड रक स्टेडियममा भएको थियो। जसमा अर्जेन्टिनाले कोलम्बियालाई १–० ले हराएको हो।

निर्धारित समयमा ०–० गोलको बराबरी रह्यो। त्यसपछि खेल अतिरिक्त समयमा गएको थियो। पहिलो हाफमा पनि दुबै टोलीले गोल गर्न सकेनन्। तर ११२औँ मिनेटमा अर्जेन्टिनाका लागि लाउटारो मार्टिनेजले गोल गरे। यो अग्रता अन्तिमसम्म कायम रह्यो र मेस्सीको टोली १–० ले जितेर च्याम्पियन बन्यो।

अर्जेन्टिनाको यो लगातार दोस्रो जित हो। यसअघि सन् २०२१ मा उपाधि खेलेको टोलीले २३ वर्षअघि सन् २००१ मा ब्राजिललाई फाइनलमा हराएर आयोजक राष्ट्रमा च्याम्पियन बनेको थियो।