इस्लामाबाद। पाकिस्तानले मंगलबार राति अफगानिस्तानमा हवाई हमला गरेर पाकिस्तानी तालिबानका संदिग्ध लुकेका ठाउँहरूलाई निशाना बनाएको छ।

पाकिस्तानसँग सीमा जोडिएको अफगानिस्तानको पक्तिका प्रान्तको पहाडी क्षेत्रमा यी हमला गरिएको हो। यस हवाई हमलामा कम्तीमा १५ जनाको मृत्यु भएको छ।

समाचार एजेन्सी एपीले पाकिस्तानी अधिकारीहरूलाई उद्धृत गर्दै पाकिस्तानी तालिबान अर्थात् तेहरिक-ए-तालिबान पाकिस्तान (टीटीपी) को तालिम केन्द्र हमलामा ध्वस्त भएको बताएको छ। अधिकारीहरूले धेरै आतंककारी मारिएको दाबी गरेका छन्।

तर, पाकिस्तानी विमानहरू अफगानिस्तानमा कतिसम्म पुगे र कसरी आक्रमण गरे भन्ने खुलाइएको छैन। मार्चयता दोस्रो पटक पाकिस्तानले अफगानिस्तानमा हवाई आक्रमण गरेको छ ।