इस्लामाबाद। हिजबुल्लाह प्रमुख हसन नसरल्लाहको हत्याको विरोधमा पाकिस्तानमा आइतबार कराँचीमा विरोध प्रदर्शन भएको थियो। 

सीएनएनका अनुसार भीड एक्कासी हिंस्रक बनेको थियो जसलाई तितरबितर पार्न प्रहरीले लाठीचार्ज र अश्रुग्यास प्रहार गरेको थियो। यसबाट आक्रोशित भएका मानिसहरूले प्रहरीमाथि ढुंगा प्रहार गरेका थिए। 

रिपोर्टका अनुसार भीड कराँचीस्थित अमेरिकी दूतावासतर्फ जान थाले, जसलाई रोक्न प्रहरीले कडा कारबाही गरेको थियो। यो र्‍याली पाकिस्तानको शिया इस्लामिक राजनीतिक संगठन मजलिस वाहदत-ए-मुस्लिमिन (MWM) ले नेतृत्व गरेको थियो।

आफ्नो भीड शान्तिपूर्ण रहेको मजलिस वाहदत-ए-मुस्लिमिनले जनाएको छ। सोही क्रममा कराँची प्रहरीले उक्त र्‍याली आफ्नो नियोजित मार्गबाट ​​हटेर अमेरिकी दूतावासतर्फ अघि बढेको र त्यसलाई रोक्ने प्रयास गरिएको बताएको छ। रिपोर्टहरूका अनुसार नसरल्लाहको हत्याको विरोधमा पाकिस्तानका अन्य भागहरूमा पनि र्‍यालीहरू निकालिएको थियो।