वि सं २०८१ भाद्र ९ गते आईतबारको पुराणाचार्य ज्योतिर्विद दुर्गा प्रसाद ढकालबाट प्रस्तुत राशिफल ।

मेश राशि ( चु, चे, चो, ला, लि, लु, ले, लो, अ )
मिश्रित फलदाता दिन छ। विपरित लिङ्गका मित्रहरुसँग
सहकार्य गरि काम गरेको राम्रो।
शत्रुबाट जोगिएर चल्नुहोला।
गाडी बाहन निजि साधनबाट चोटपटकको सम्भावना
रहन्छ।प्रसासनिक काममा सफलता मिल्नेछ ।

वृष ( इ, उ, ए, ओ, बा, बि, बु, बे, बो )
भाग्यले साथ दिनेछ। रोकिएका कामहरु बन्नेछन।पारिवारिक सर सहयोगमा गरेको काम प्रगतिशील हुनेछ।पानी तथा दुग्ध व्यवसायीहरुलाइ आज निकै फाइदा हुनेछ ।

मिथुन ( का, कि, कु, घ, ङ, छ, के, को, ह )
व्यस्तताका बाबजुद दिन बित्ने देखिन्छ। लामो समयदेखि रोकिएका काम बन्नेछ्न। वैदेशिक कार्यमा सफलता मिल्नेछ। सन्तान र परिवारको लागि खर्च गर्नुपर्ने हुनसक्छ ।भाग्यले राम्रै साथ दिएको अवस्था हो ।सारा कार्यहरु दिनको उत्तरार्धमा फलिभुत हुनेछन् ।

कर्कट ( हि, हु, हे, हो, डा, डि, डु, डे, डो )
दिन राम्रै छ। भुमी तथा वाहन सम्बन्धी लाभ मिल्नेछ।यात्राकारक दिन रहेको छ। विशिष्ट पाहुनाहरुको आगमन हुनसक्छ। मिष्टान्न भोजनको योग परेको छ।अनावश्यक खर्चबाट बचेर चल्नुहोला।

सिंह (मा, मि, मु, मे, मो, टा, टि, टु, टे )
भाग्यले साथ दिए पनि मन चन्चल हुनाले काम बिग्रन सक्छ।लग्नेष मंगल ग्रहको प्रभावले स्थानान्तरण गराउन सक्छ।आफन्त दाजुभाइ दिदीबहिनीबाट आर्थिक लाभ मिल्नेछ। मजदुर तथा कृषक वर्गको भलाइमा राजकिय कार्य सम्पादन हुनेछ।

कन्या ( टो, प, पि, पु, ष, ण, ठ, पे, पो )
आजको दिन आय आर्जनको दिन रहेको छ ।व्यपार व्यवसाय फस्टाउने, राजकीय पदवी , मानसम्मान मिल्ने,लगानिका नयाँ क्षेत्रहरू मिल्ने अध्ययन अध्यापनमा सफलता प्राप्त हुने देखिन्छ।

तुला ( र, रि, रु, रे, रो, ता, ति, तु, ते )
आनन्दमय दिन बित्नेछ। यात्रा गर्नुपर्नेछ। बिछोडिएका आफन्तसँग भेट होला। सरकारी कामकाजमा आफ्नो प्रभाव रहनेछ। शैक्षिक क्षेत्रमा सन्ततिसँग सहकार्य गरि अघि बढे सफलता मिल्नेछ । वैदेशिक क्षेत्रका कामहरु अधुरा रहनेछ्न।

वृश्चिक ( तो , ना, नि, नु, ने, नो, या, यि, यु )
आज साहसी प्रतिभा देखाउने दिन हो। खेलाडी योद्धा र सैन्य जवानहरुले लाभ लिन सक्नुहुनेछ । नयाँ सम्बन्ध तथा माया प्रेमको प्राप्ति हुनेछ। शत्रु वर्ग शरण पर्न आउनेछ्न। उध्योग र भुमि सम्बन्धी क्षेत्रमा लगानी गरे फाइदा होला।

धनु ( ये, यो, भ, भि, भु, ध, फा, ढ, भे )
आजको दिन राम्रै छ। व्यस्तताको बाबजुत समय बित्ने छ।आर्थिक पाटो सामान्य छ।कार्यमा ढिलासुस्ती सम्भव छ।पारिवारिक असहयोगले खिन्नता बढाउन सक्छ। हनुमानको आराधना पुर्वक दिनको आरम्भ गर्नु राम्रो हुनेछ।

मकर ( भो, ज, जि, खि, खु, खे, खो, गा, गि )
मिश्रित खालको दिन रहेको छ। सामान्य झमेलाहरु आइलाग्न सक्छ्न। अपरान्ह पछाडी मंगलको प्रभावले नबनेको काममा सफलता मिल्ला। गुमेको धन फिर्ता हुन सक्छ। पारिवारिक स्वास्थ्यमा सुधार हुनेछ।

कुम्भ ( गु, गे, गो, सा, सि, सु, से, सो, द )
आर्थिक हिसाबले निक्कै राम्रो दिन रहेको छ। भाग्य बलियो भएकोले जग्गा जमिन र बैंकिङ क्षेत्रका कामहरु बन्लान।प्रसासनिक काममा सुर्यको प्रभावले सफलता मिल्नेछ। लग्नेश गुरुको कारण कामको मुल्यांकन हुने तथा स्यावासी मिल्ने देखिन्छ।

मीन ( दि, दु, थ, झ, ञ, दे, दो, च, चि )
आजको दिन फलदायी रहेको छ। गुमेको धन फिर्ता हुनसक्छ । विछोडीएको मित्रसँग भेट हुनसक्छ।पतिपत्नीको सहकार्यमा नयाँ कामको थालनी गर्न आजको दिन राम्रो मानिएको छ। सन्तान वर्गको प्रगतिले मनमा हर्ष होला।भुमी तथा वित्तिय क्षेत्रमा लगानी गर्नु उचित हुनेछ ।