नयाँदिल्ली। कोलकाताको आरजी कार मेडिकल कलेज एण्ड अस्पतालमा प्रशिक्षार्थी डाक्टरको बलात्कारपछि हत्याको मुद्दामा आज बिहान १०ः३० बजे सर्वोच्च अदालतमा सुनुवाइ हुँदैछ। सीबीआईले मुद्दाको स्टेटस रिपोर्ट बुझाएको छ।

९ दिनको अनुसन्धानमा अहिलेसम्म के–कस्ता जानकारी प्राप्त भएको छ भन्ने निकायले अदालतलाई बताएको छ। कलकत्ता उच्च अदालतले १३ अगस्टमा बलात्कार-हत्याको मुद्दा सीबीआईलाई सुम्पेको थियो। अगस्ट २० मा सर्वोच्च अदालतले सीबीआईलाई अनुसन्धान प्रतिवेदन बुझाउन आदेश दिएको थियो।

अर्कोतर्फ कोलकाता प्रहरीले पनि अगस्ट १४–१५ राति अस्पतालमा भएको तोडफोडको अनुसन्धान प्रतिवेदन बुझाएको छ। सर्वोच्च अदालतले पनि पश्चिम बंगाल सरकार र प्रहरीलाई मुद्दामा लापरवाही गरेको भन्दै हप्काएको थियो।