काठमाडौँ। भारत-बंगलादेश सीमा नजिकै घुसपैठ गरिरहेका करिब ५०० बंगलादेशीहरूलाई जलपाईगुडी नजिकै बीएसएफ जवानहरूले रोकेका थिए। उत्तर बङ्गाल फ्रन्टियरका अनुसार बंगलादेशमा प्रदर्शनकारीको आक्रमणको डरले यी मानिसहरू भेला भएका थिए।

बीएसएफ र बोर्डर गार्ड बंगलादेशले ती व्यक्तिहरूसँग कुरा गरे, त्यसपछि तिनीहरू सबै फर्किए। बंगलादेशसँगको अन्तर्राष्ट्रिय सीमामा बीएसएफ उच्च सतर्कतामा छ।

शेख हसिनाले राजीनामा दिएपछि बंगलादेशमा आज अन्तरिम सरकार गठन हुँदैछ। यो १५ सदस्यीय सरकारको नेतृत्व नोबेल पुरस्कार विजेता मोहम्मद युनुसले गर्नेछन्। सरकारको सपथ ग्रहण साँझ ८ः३० बजे हुनेछ।

युनुस आज दिउँसो २ः४० बजे पेरिसबाट बंगलादेश पुग्नेछन्। ढाका ट्रिब्यूनका अनुसार सपथ समारोहमा करिब ४०० जना सहभागी हुनेछन्। बंगलादेशका सेना प्रमुख वकार-उज-रहमानले बुधबार सपथ ग्रहणसँग सम्बन्धित जानकारी साझा गरेका थिए।