काठमाडौँ। इरान समर्थक आतंकवादी संगठन हिजबुल्लाहले इजरायलमा पछिल्लो १० महिनामा सबैभन्दा ठूलो हमला गरेको छ। आतङ्ककारी संगठनले शनिबार गोलान हाइट्सको फुटबल मैदानमा लेबनानबाट रकेट प्रहार गरेको थियो। यस हमलामा १२ जनाको मृत्यु भएको छ भने करिब ३० जना घाइते भएका छन्। टाइम्स अफ इजरायलका अनुसार मृत्यु हुनेमा अधिकांश १० देखि २० वर्षका बालबालिका रहेका छन्।

अमेरिकी भ्रमणमा रहेका इजरायली प्रधानमन्त्री बेन्जामिन नेतान्याहु आक्रमणको सूचना पाएलगत्तै स्वदेश फर्किएका छन्। हिजबुल्लाहले सुरुमा आक्रमणको जिम्मेवारी लिएको थियो। तर, केही समयपछि उनले आफ्नो भनाइ फिर्ता लिए। इजरायलको सैन्य IDF ले भनेका छन कि यो हमला फलाक-१ रकेटले गरिएको थियो, जुन हिजबुल्लाहले मात्र प्रयोग गर्दछ।

इजरायलका विदेशमन्त्री इजरायल काट्जले हिजबुल्लाहले सबै सीमा नाघेकोमा कुनै शंका नरहेको बताएका छन्। हामी निश्चित रूपमा यसको जवाफ दिनेछौं। हामी आतंकवादी संगठनसँगको युद्धको सुरुवातको धेरै नजिक छौं।