काठमाडौँ। बंगलादेशमा सरकारी जागिरमा आरक्षणको विरोधमा चलिरहेको आन्दोलन अहिले उग्र बनेको छ। प्रदर्शनकारीहरूले बिहीबार साँझ बंगलादेशको मुख्य सरकारी टेलिभिजन च्यानल बिटिभीको मुख्यालयमा आगजनी गरेका छन्। एएफपी रिपोर्टका अनुसार बिहीबार साँझ सयौं प्रदर्शनकारीहरू बीटीभी कार्यालयको क्याम्पसमा प्रवेश गरे र ६० भन्दा बढी गाडीमा आगजनी गरे।

प्रधानमन्त्री शेख हसिनाले हिजो बिटिभीलाई अन्तर्वार्ता दिएकी थिइन्। बिहीबार विद्यार्थी र प्रहरीबीच हिंसात्मक झडप भएको थियो। एएफपी रिपोर्टका अनुसार बिहीबार भएको हिंसामा कम्तीमा २५ जनाको मृत्यु भएको छ। यसबाहेक एक हजारभन्दा बढी घाइते भएका छन्। आन्दोलन सुरु भएयता कम्तीमा ३२ जनाको मृत्यु भइसकेको छ।

बंगलादेशमा जारी हिंसापछि त्यहाँबाट भारतीय नागरिकको पलायन सुरु भएको छ। समाचार एजेन्सी पीटीआईको रिपोर्ट अनुसार, अधिकारीहरूले बिहीबार भने कि हिंसा पछि त्यहाँ फसेका ३०० भन्दा बढी भारतीय, नेपाली र भुटानी नागरिक मेघालय पुगेका छन्। तीमध्ये अधिकांश विद्यार्थी छन्। आसाम सरकारले छिमेकी देशमा बस्ने आफ्ना नागरिकको सुरक्षा सुनिश्चित गर्न विदेश मन्त्रालयसँग सम्पर्कमा रहेको बताएको छ।